Русский Қазақша

ЖАЛАҒАШ АУДАНЫ

Әкімдігінің ресми интернет - ресурсы

ІЗДЕУ
Аудан
Билік
Құқық
Экономика
Бизнес
Инфрақұрылым
Қоғам
Мем. қызметтер
Байланыс
Әкім блогы
Анықтама
Сайт картасы Аудан әкімі аппараты
Аудан
Билік
Құқық
Экономика
Бизнес
Басты бет Жаңалықтар ҚҰРЫЛЫС – ҚАРҚЫНДЫ ДАМУДЫҢ КӨРСЕТКІШІ

ҚҰРЫЛЫС – ҚАРҚЫНДЫ ДАМУДЫҢ КӨРСЕТКІШІ

Құрылыс саласының дамуы, елдің экономикалық, әлеуметтік жағдайының арта түсуіне тікелей әсер етеді. Соңғы жылдары облыста құрылыс саласы қарқынды дамып келеді. Биылғы жылы жалағаштықтардың да көкейлерінде жүрген мәселелері оң шешімін тапты. Бірнеше құрылыс нысандары пайдалануға беріліп, жұртшылық үлкен қуанышқа бөленді.
11.10.2018 12:31:11 | 156 рет қаралды


Жаңадан ашылған ғимараттардың алғашқы сапында аудандық ішкі істер бөлімінің ғимараты тұр. Қанша жылдан бері талапқа сай жабдықталмаған, тозығы жетіп ескірген, іші тар ғимаратта орналасқан тәртіп сақшылары маусым айында жаңа типтегі ғимаратқа көшті. Ішкі істер бөлімінің жаңа ғимаратының ашылу салтанаты Қазақстан полиция­сының 26 жылдығы қарсаңында өтті. Облыстық бюджеттен қажетті қаражат бөлініп, заман талабына­ сай жабдықталған озық үлгідегі ғимарат бой көтерді. Аудандық ішкі істер бөлімінің материалдық-тех­никалық базасын нығайту мақ­сатында да жүйелі жұмыстар жасалды. Жаңа ғимаратта бақылау-өткізу пункті, мемлекеттік қызмет көрсетуге арналған терезелер, ке­зекші бөлімшесі, қару-жарақ сақ­тау қоймасы, арнайы құралдар сақтау бөлмесі, тир бөлмесі, мә­жіліс залы, тергеу бөлімшесі, анық­тау тобы, криминалды полиция бөлімшесі, арнайы жауап алу бөлмелері, уақытша ұстау изоляторы, сонымен қатар, әкімшілік қамақ, уақытша ұстау изоляторында қамауда отырғандарға арналған серуендеу орындары, фельдшер кабинеті, дезинфекция кабинеттері, кезекші бөлімшесінің бөлмелері, кездесу бөлмесі ор­налас­қан.

Бұл жылдың жағымды жаңалығы мұнымен тоқтаған жоқ. Ауданға қарасты Мырзабай ахун ауылдық округінде де жаңа ауыл әкімшілігі ғимараты салынды. Іргелі елді мекен тұрғындарының көкейтесті мә­­­­­­­се­лелерінің бірі шешімін тауып, үлкен қуанышқа бөленді. Жаңа әкімшілік ғимаратының көлемі 149,33 шаршы метрді құрайды. Зәу­­­­лім де жарық, жылы да кең ғи­ма­ратта әкімшілік қызметкерлері тұр­­­­­­­­­­­­­­­ғындардың күнделікті тыныс-тір­ші­­­­­­лігінің қалыпты деңгейде, үзіліссіз жүр­­­­­­­гізілуі үшін күш салуда. Расында, елдің дамуы, әлеуметтік жағ­­дайының жақсаруы үшін жаңа ғи­­­мараттың бой көтеруі қуантарлық жағ­дай. Жаңа нысанның халық игі­­лігіне пайдалануға берілуі – ауыл­дың болашағы баянды, келешегі кемел екенін айшықтайды.

Қазақта «Қос дүниең абат болсын, қос тойың қабат болсын» деген сөз бар. Бірнеше жаңа ғимарат пайдалануға берілген Мәдениет ауылы үшін бұл жыл тарихи оқиғаларға толы болды. Ауыл орталығынан 90 орындық балабақша, 150 орындық клуб және спорт кешені бой көтерді.

Астана қаласының 20 жылдығы мерекесі қарсаңында ауыл көркін аша түсетін, халқына берер пайдасы мол 90 орындық балабақша ашылып, көпшілікті бір қуантып тастады. Мердігер – «Атамекен» жауапкершілігі шектеулі серіктестігі. Облыстық бюджетке салынған ғимараттың жалпы ауданы 1437,97 шаршы метрді алып жатыр. Жас бүлдіршіндер балалық бал дәуреннің қызығын көріп-біліп, тәні мен жаны сау, өз елінің лайықты азаматы болып өсуі тиіс. Осы мақсат үшін бүлдіршіндерге ерекше көңіл бөліп, аудан көлемінде білім мекемелерінің материалдық-техникалық жағдайы нығайтылып, балабақшалар қатары көбеюде. Кез келген өркениетті қоғамның қай кезде болмасын толғандыратын негізгі мәселесі балаларды оқыту, тәрбиелеу десек, ауыл орталығынан талапқа сай бой көтерген балабақшадан елдің ертеңін жарқын ететін жастар шығады деп кәміл сенеміз.

Тіректі ауылда келесі бой көтерген жаңа нысан – 150 орындық клуб.

Елбасы Н.Назарбаев бір сөзінде: «Мәдениет – елдің ең басты рухани байлығы, асыл мұрасы. Қай елдің мәдениеті мықты дамыса, сол елдің еңсесі де биік болады», – деп атап өтіп, «Еуразияның ең бір бай да бірегей мәдениеті – қазақ мәдениеті» деген еді. Елімізде мәдениет саласын дамытуға қажетті жағдайлардың барлығы жасалып отыр. Соның ішінде ауылдың мәдениетін көтеру, көркейту басты міндеттің бірі болды. Осының негізінде жаңа ауылдық клуб ғимараты бой көтерді, елді мекен мәдениетін әрі қарай дамытуға серпін берді. Жалпы ауданы 849,57 шаршы метрді алатын жаңа нысан маусым айында пайдалануға берілген болатын. Ендігі жерде ауыл тұрғындарының жиналып, түрлі рухани кештер, шаралар ұйымдастыруына барлық жағдай бар.

Осы жылы қос қуаныштан соң мәдениеттіктер тағы бір жаңа нысанның ашылуының куәсі болды. Елді мекенде жаңа спорттық кешен бой көтеріп, ел игілігіне пайдалануға берілді. Спорт кешенінің ашылуы, әсіресе, ауыл жастарына үлкен қуаныш сыйлады. Осы уақытқа дейін спорт мектебінде жаттығып жүрген балаларға бүгінде заман талабына сай жабдықталған спорт кешенінде уақыт өткізулеріне толықтай мүмкіндік жасалды. Онда бокс және күрес үйірмелері жұмыс жасайды. Сонымен бірге, ауыл тұрғындарын бұқаралық спортқа тарту жұмыстары қолға алынды. Облыстық құрылыс басқармасының тапсырысы арқылы салынған спорт кешенінің бас мердігері – «Айдана» жауапкершілігі шектеулі серіктестігі. Ғимараттың жалпы ауданы 1027,98 шаршы метрді құрайды, сыйымдылығы 120 орын. Бұл нысан да маусым айында ашылып, мәдениет жұртшылығын қуанышқа бөлеген еді. Айта кету керек, ауданда спорттық инфрақұрылымдарды дамытуға зор көңіл бөлінуде. Қазіргі заманғы спорт алаңдары, дене шынықтыру жəне сауықтыру алаңдары салынуда. Жастардың салауатты өмір салтын ұстанып, бос уақытын тиімді пайдалануына барлық жағдай жасалуда.

Қарап отырсақ, бұл жыл аудан жұртшылығы үшін игі істер мен жарқын бастамалар қолға алынып, жүйелі жұмыстар жүзеге асқан мерейлі жыл болды. Шынында, құрылыс – қарқынды дамудың көрсеткіші. Ынтымақ пен бірлікті үлгі еткен жалағаштықтардың алар асуы алда.

 

Ақпарат көзі: https://zhalagash-zharshysy.kz

Кіру